Политика за приватност

Друштво за информатички услуги и развој на софтверски решенија АЈТИ ДИГИТАЛ ДООЕЛ Скопје (во понатамошниот текст: „Трговецот“ или „Друштвото“).

Седиште: ул. Никола Парапунов бр. 5-22, Карпош, 1000 Скопје, Република Северна Македонија
ЕМБС: 7946988
ЕДБ: 4057026580990

Последно ажурирано: август 2026

1. Контролор на лични податоци

Контролор на личните податоци обработени преку Веб-страницата е Друштво за информатички услуги и развој на софтверски решенија АЈТИ ДИГИТАЛ ДООЕЛ Скопје, со седиште на ул. Никола Парапунов бр. 5-22, Карпош, Скопје, ЕМБС 7946988, ЕДБ 4057026580990, контакт е-пошта: info@axel.mk.

Оваа Политика за приватност е изготвена во согласност со Законот за заштита на личните податоци („Службен весник на РСМ“ бр. 42/2020 и 294/2021), усогласен со Регулативата (ЕУ) 2016/679 (ГДПР), и објаснува кои лични податоци ги собираме, за какви цели, на кого ги пренесуваме и кои права ги имаат субјектите на лични податоци.

Офицер за заштита на личните податоци (ОЗЛП)

Друштвото има назначено Офицер за заштита на личните податоци, кој е првата контакт точка за сите прашања поврзани со обработката на личните податоци и со остварувањето на правата на субјектите на лични податоци опишани во оваа Политика.

Име и презиме: Давор Мирчески

Е-пошта: privacy@axel.mk

2. Кои лични податоци ги собираме

Идентификациски податоци: име и презиме, адреса за испорака и/или фактурирање;
Контакт податоци: е-пошта, телефонски број;
Податоци за нарачка: содржина на нарачката, историја на купување, преференции;
Финансиски податоци: податоци поврзани со плаќање (при плаќање со картичка, податоците за картичката ги обработува исклучиво платниот сервис CaSys/Стопанска банка АД Скопје, Трговецот не ги чува бројот на картичка и CVV кодот);
Технички податоци: IP адреса, тип на уред и прелистувач, податоци од колачиња, во согласност со Политиката за колачиња;
Податоци од комуникација: содржина на прашања/рекламации доставени по е-пошта или контакт-формулар.

3. Цели и правна основа за обработка

Цел на обработка: Обработка и извршување на нарачка (склучување и извршување на договор) — Правна основа: Извршување на договор (чл. 6 ст. 1 б) б) од ГДПР)
Цел на обработка: Издавање фактура/сметка и водење сметководствена евиденција — Правна основа: Законска обврска (даночни и сметководствени прописи)
Цел на обработка: Одговарање на прашања и решавање рекламации — Правна основа: Извршување на договор / легитимен интерес
Цел на обработка: Испраќање билтени и промотивни пораки (е-маил маркетинг) — Правна основа: Согласност на субјектот (може да се повлече во секое време)
Цел на обработка: Аналитика на користење на Веб-страницата (Google Analytics) — Правна основа: Согласност на субјектот
Цел на обработка: Прикажување персонализирани реклами (Facebook Pixel, Google Ads) — Правна основа: Согласност на субјектот
Цел на обработка: Спречување измами и обезбедување безбедност на Веб-страницата — Правна основа: Легитимен интерес на Трговецот

4. Примачи на лични податоци

Личните податоци можат да се откријат на следните категории обработувачи и примачи, исклучиво во обем неопходен за наведените цели:

Курирски служби (различни, во зависност од дестинацијата и достапноста) – за испорака на нарачаните производи на територијата на Република Северна Македонија;
Платен сервис CaSys/Стопанска банка АД Скопје – за обработка на онлајн плаќања со картичка;
Сметководствено биро/овластен сметководител – за водење деловни книги;
Даватели на услуги за хостинг и одржување на Веб-страницата;
Google LLC (Google Analytics, Google Ads) и Meta Platforms Ireland Ltd. (Facebook Pixel) – само по дадена согласност за соодветните колачиња;
Надлежни државни органи – кога тоа е законска обврска (пр. Управа за јавни приходи, судови, инспекциски органи).

Трговецот не ги продава и не ги изнајмува личните податоци на трети лица за нивни независни маркетинг цели.

5. Пренос на податоци надвор од Република Северна Македонија

Со користење на надворешните давателите на услуги наведени во точка 4 (Google, Meta), одредени податоци може да се пренесат и обработуваат на сервери надвор од Република Северна Македонија и Европската Унија. Ваков пренос се врши единствено кон обработувачи кои обезбедуваат соодветно ниво на заштита на личните податоци (на пр. преку стандардни договорни клаузули одобрени согласно ГДПР).

6. Период на чување

Личните податоци се чуваат само онолку колку што е неопходно за исполнување на целите наведени во оваа Политика:

Податоци поврзани со нарачки и фактури – согласно законски пропишаните рокови за чување сметководствена документација (по правило најмалку 10 години);
Кориснички/маркетинг податоци базирани на согласност – до повлекување на согласноста или најдоцна 3 години од последната активност;
Аналитички податоци од колачиња – согласно роковите наведени во Политиката за колачиња.

7. Права на субјектот на лични податоци

Во согласност со Законот за заштита на личните податоци и ГДПР, секое лице чии лични податоци се обработуваат има право на:

Пристап до сопствените лични податоци;
Исправка на неточни или нецелосни податоци;
Бришење на податоците („право да се биде заборавен“), кога е применливо;
Ограничување на обработката;
Преносливост на податоците;
Приговор на обработка заснована на легитимен интерес или директен маркетинг;
Повлекување на дадената согласност во секое време, без тоа да влијае врз законитоста на претходната обработка;
Поднесување поплака до Агенцијата за заштита на личните податоци (АЗЛП), ул. „Пелагониска“ бб, 1000 Скопје, www.azlp.mk, доколку субјектот смета дека неговите права се повредени.

Барањата за остварување на наведените права се доставуваат до Офицерот за заштита на личните податоци на privacy@axel.mk, а Трговецот одговара во законски пропишаниот рок (по правило најдоцна во рок од 30 дена).

8. Безбедност на податоците

Трговецот презема соодветни технички и организациски мерки (контрола на пристап, енкрипција при пренос на податоци при плаќање преку сертифициран платежен процесор, редовно ажурирање на системите) со цел заштита на личните податоци од неовластен пристап, губење, злоупотреба или уништување.

9. Малолетни лица

Веб-страницата не е наменета за лица под 15-годишна возраст. Трговецот свесно не собира лични податоци од малолетни лица без согласност на родител/старател, во согласност со Законот за заштита на личните податоци.

10. Измени на Политиката

Трговецот го задржува правото периодично да ја ажурира оваа Политика за приватност. Секоја измена се објавува на Веб-страницата со назначен датум на последна измена.

11. Контакт

За сите прашања поврзани со заштитата на личните податоци, субјектите можат да се обратат до Офицерот за заштита на личните податоци на privacy@axel.mk.